الحــــــــــــــــــــــــــب .... هو الحيـــــــــــــــــــــــاه

بعد مكتبت الموضوع اللى فى مقر الاصدقاء بتاع (متخليش الواقع يقودك .... قود انت الواقع ) فكرت
فى الحاجات اللى ممكن تساعد الواحد على النجاح فى كافه شئون حياته
وطبعا اول حاجه واهم حاجه واجمل حاجه واللى كلنا منقدرش نستغنى عنها
واللى ممكن تغير الواحد من شيطان لملاك ***** الحب *****ابدا في الكلام عنه ازاى مش عارف
الاحساس ده لا اى جمله ولا اى كلمه ولا اى حرف ولا اى لغه من لغات العالم تقدر تديه حقه فى الوصف
الحب دا شئ ميتحكيش ولا يتقال باللسان يتحس بس .
اما الكلمات البسيطه اللى بتعبر عنه دى مجرد غلاف للحب اما محتوى الغلاف بعيد عن اى ذهن وتقيل على اى لسان
وانت بتحب بتحس انك اقوى انسان فى العالم ومحدش يقدر يقف ضدك
وانت بتحب بتتخلق عندك اهداف ايجابيه فى الحياه
وانت بتحب بتشوف الحياه حلوه
وانت بتحب كلمه ( ملل ) بتتمحى من القاموس بتاعك
وانت بتحب بيكون كل هدفك ازاى اكون انسان كويس علشان حبيبى يحبنى اكتر
ازاى اكون نفسى ويبئا ليا دور فى الحياه علشان اكبر فى نظر حبيبى اكتر
ازاى اشتغل علشان اقدر اكون اد مسئوليه الارتباط بيه
يعنى بختصار بتتحول من انسان معدوم الاهداف لانسان تانى ايجابى 100% ودا اللى كل انسان بيحلم بيه
ياريت كلنا نحاول نحب واللى يجيله فرصت حب ياريت يمسك فيها بايديه وقلبه
واللى بئا بيحب ده يابخته لو انا منه مفارقش حبيبى لحظه لانه هيبئا روحى واللى يسيب روحه اكيد بيموت
..................
على فكره الكلام ده ممكن يكون بسيط شويه لان انا اللى كاتبه لانى مش بحب اجيب مواضيع من النت وانشرها
اصلى بشوف انها ملهاش لازمه ..
مبدائ مهما كان كلامك بسيط بس طالع من جواك تبئا قيمته كبيره اوى

تسلم ايدك

بجد جميل وهي دي الحقيقه

على فكره انتى اللى كلامك رومانسى اوى بجد والمفروض انا اللى اتعلم منك
وعموما مرسى على المجامله اللطيفه يا اختى اسماء

الحب دا شئ ميتحكيش ولا يتقال باللسان يتحس بس .
اما الكلمات البسيطه اللى بتعبر عنه دى مجرد غلاف للحب اما محتوى الغلاف بعيد عن اى ذهن وتقيل على اى لسان
وانت بتحب بتحس انك اقوى انسان فى العالم ومحدش يقدر يقف ضدك

اظن يا مودى
الحب برده الاحساس مش كلمه فيه لانه لا يوصف حتى باى كلمه
تقبل مرورى
دهب

[ندعوك للتسجيل في المنتدى أو التعريف بنفسك لمعاينة هذا الرابط]

متقبل ...ومرورك على راسى ويكفينى شرفا ان انت قطعت من وقتك علشان تعيد كلماتى

شكرا على تعليقك بس انا ليا تعليق بسيط على تعليقك ( للاسف انا مبحبش ونفسى احب )ا

إسمحلى أعلق على ردك يا أحمد
بلاش تستنى الحب وتحسب الوقت لحد ماييجى
هاقولك ... عيش للحب
عيش لحب الله طبعا ثم حب الناس ... والدك ووالدتك ... اخواتك ... اصحابك
هتلاقى نفسك وانت مشغول بحب كل دول
فجأة وبدون أى مقدمات
هتلاقى باب قلبك بيدق
لازم يدق ... وان شاء الله هيدق بسرعه لان انت قلبك صافى
قلبك شفاف .. وده اللى لمسته فى كلامك
بس نصيحه بقه
أول ما الباب يدق
ماتفتحش الباب اوى ... ولا تقفله
سيبه بين الاتنين
لفترة معينه تختبر فيها اللى بيدق بابك
وتتأكد من مشاعره ليك
إلمس قلبه وعقله واحساسه
بعدها بسرعه تفتح قلبك وتقفل عليه قبل مايطير منك
وعلشان تقفل عليه كويس
اقفل عليه بروحك وبحبك وبمشاعرك
اوعى تبخل بكلمه على لسانك
او كلمه فى قلبك
صدقنى ... انا متوقعه ليك أجمل قصة حب
انت انسان كويس واحساسك اجمل مافيك وتدخل قلوب الناس بسرعه هايله
......
سيب نفسك ....... سيب قلبك يجرب بس من غير ماتجرحه ....
قلبك ده زى الجوهرة الغاليه لو طلعتها كتير من علبتها ... التراب هيغطيها
ومش هتكون بناضرتها ولمعانها
بلاش تجرح قلبك ... جرب بس من غير ماتغطيه بالجروح
علشان يفضل حساس
لحد ماتلاقى اللى يستحق الجوهرة
قصدى اللى يستحق قلبك.


ما أجمل أن تحب الحب للحب ....
ما أجمل الاحساس بالحب....
تقبل كلماتى سلامى ليك وتحياتى

انا مندهش من كلامك على فكره اوى اوى
وفى نفس الوقت مركز اوى اوى فى كل كلمه انتى قولتيها
تعرفى
اكتر حاجه بتعجبنى فى كلامك ان هو من تاليفك ومن احساسك
وكمان هو هو الواقع
بجد انتى كلامك جميل... ومرسى على كل كلمه لطيفه انتى قولتيها فى حقى

بالنسبه للاندهاش انا كنت اقصد انى مندهش من كلامك الجميل ، وعموما مرسى على رفع معناوياتى
وبالنسبه بئا لكتابه موضوع والله انا مقدرتش اتاخر عنك كتبت موضوع النهارده فى مقر ( لو حصلك موقف رعب احكيهولنا ) يارب
يعجبكو لان بسيط اوى ممكن يكون عادى

فيييييييييييييين الايام دى ياريت ترجع تانى ولو ليوم واحد